Hûn bi xêr hatin! Her pirsa di serê we de hun dikarin bipirsin, ji bo pirsên endamên dîtir kirî bersivan binivîsin an jî zanyariyên dîtir parve bikin.

Helîm Yusiv kî ye? kiye? Helim Yusiv kiye

+1 deng
122
29 Adar 2015 Di beşa Navdar de Hertişt (24,620 nirx) pirsî
15 Gulan 2016 Hertişt rastkir
Helîm Yusiv kî ye? kiye?

Helim yusiv kiye

2 Bersiv

0 deng
8 Nîsan 2015 Hertişt (24,620 nirx) bersiv da
8 Kewçêr 2015 Hertişt rastkir

Di sala 1967 an de li Amûdê, li Sûriyê /rojavayê Kurdistanê/ ji dayik bûye. Li zanîngeha Helebê Fakulteya Hiqûq qedandiye û ji  sala 2000 î de li Elmanyayê dijî. Bi dehan gotarên wêjeyî di kovar û rojnameyên erebî û kurdî de weşandine. Heta niha berhemên wî bi Kurdî, Erebî, Tirkî û Elmanî hatine weşandin. Berhemên wî yên çapkirî ev in :

1- Mêrê avis  – Çîrok – 1991, bi erebî, Şam. 1997 bi kurdî-Avesta. 2004 bi elmanî,wergêr : Heidi Karge- Unrast-Verlag.

2- Jinên qatên bilind  – Çîrok – 1995, bi erebî, Beyrût. 1998 bi kurdî-Avesta.

3- Mirî ranazin  – Çîrok – 1996, bi kurdî. ç² 2002-Avesta .1998 bi tirkî, wergêr: Rehmî Batûr-Avesta.

4- Sobarto – Roman – 1999, bi kurdî-Avesta. 1999 bi erebî, Beyrût. ç² : 2004, Hewlêr-kombenda Kawa.

5- Memê bê Zîn  – Çîrok – 2003, bi kurdî-Avesta.

6- Tirsa bê diran – Roman – 2006, bi Kurdî-Avesta. 2008 bi tirkî, wergêr Rehmî Batûr-Evrensel. 

7- Gava ku masî tî dibin – Roman – 2008, bi kurdî-weşanên Lîs. 

8- Romana kurdî -Lêkolîn- 2011, bi kurdî-Ronahî.

9- Ausländer beg – Çîrok- 2011, bi kurdî, ji weşanên Lîs.

Ji Şanoyên ku ji nivîsên wî hatine girtin : Komara dînan, Bidarvekirina pozekî, Sol û serî.

Ji sala 2000 î heta 2011 an, di televizyonên kurdî MedyaTV, MezopotamyaTV, RojTV de, bernameyeke wêjeyî bi navê "Gava sêyemîn" amade û pêşkşê kir.

Ji cotmeha 2012 an ve, her du hefteyan, di RonahîTV de, bernameyeke wêjeyî bi navê "Deriyê din" amade û pêşkêş dike.

0 deng
4 Adar 2016 Agirî Soran (5,480 nirx) bersiv da
Cano Şakir îro li ser Helîm Yusiv weha nivîsî;


Ji bo Helîm Yusiv.

Wexta ku min dixwest ez vê kurte nivîsê bi hin gotinên ji nava dilê xwe rêz bikim, sitrana hunermendê mezin Ciwan Haco hat bîra min.
Sê berhem, sê bername, sê rêwîtî bi nivîskar û roman nivîsê kurd Helîm Yusiv re.
Her berhema ku min çap kir , her bernamê bi Helîm Yusiv re nîqaş kirin û bê guman rêwîtiya bi Helîm re ji her tiştî xweştir bû.
Min cara yekem di salê 1995 –1997 de navê Helîm Yusiv bihîstbû. Berhemên wî bi dest xistibûn, her wiha her berhemeke wî bi germî xwendibû.
Min di rêya berhemên Helîm re gelekî ji awayê wî hezkir.
Ez û wî cara yekem di çalakiyeke rewşenbîran ya di tebxa 2002 de rastê hev hatin. Kelecanê ez girtim, berê min nezanî ku ez çawa silavê li wî kim, bêrê kîjan gotinê bikarbînim; „birêz, kekê hêja, rêzdar, niviskarê mezin ...?“
Bê van gotinan, gelek pirsên cûda jî bîra min tevlihev kir. Çi zanim kesek naskirî... xwedan gelek hezkiryan..
Ji ber vê sedemê min ji xwe re digot,
Dibe ku Helîm yek ji wan kesan be ku tu aleqedarîyê nîşanê min nede, bi kenek sar, rojbaşeke sar min bibersivîne, yan jî wek gelek nivîskarên poz bilind bi helwesta xwe min biqewitîne! Wel hasil, min hemû ramanên bi guman dan aliyekî û silav li camêr kir.
Min ji helwest, ken û nêzîkahiya wî fêm kir ku merovekî dilnizim, sîngfireh, candost û gelekî normal e.
Ji duv wê hevdîtinê re, me gelek caran hev dît û hevnaskirina me zêde bû. Piştî ku min berhema xwe ya pêşî çap kir û me bi hev re bername çêkir, hêdî min bêtir jê hez kir.
Bi rêya helwesta wî min zêde ji nivîsandinê hez kir. Kesê ku berhemên Helîm bixwîne û wî ji nêzîk ve nas bike, wê zêde ji wêjeya kurdî hez bike. Xwedê temenê Helîm Yusiv dirêj bike û wî ji wêjeya kurdî kêm neke...
...